林盛斌着錯陳法拉件衫？盡覽一截截肥肉！

自從張家輝為演好《激戰》拳王一角，練到周身肌肉之後，近年「肌男」的風氣大行其道，連藝人林子善最近都升呢為「大隻仔」，引來一時熱話，報道更於《東網》點撃率長期高企！

不過，林盛斌（阿Bob）就擺明唱反調，繼續行肥嘟嘟嘅可愛路線！日前佢喺網上突然大膽公騷出一張「爆肌」照，引得多位圈內好友嘩然，沈震軒說：「Captain Bob的肌肉真係好吸引」，而李綺雯質疑他：「是否天冷了，你把羽絨背心穿了在恤衫裡？」所謂嘅「爆肌」照，只係Bob着咗依不稱身嘅緊身裇衫，將佢嘅肥肉擠晒出來，搞到一截截之餘，仲形成咗性感嘅爆鈕效果！眼見自己肥肉擠晒出來嘅阿Bob，都不禁自嘲：「服裝部嘅同事，請問你係咪攞咗陳法拉件衫俾（畀）我着呢？」