沒對佘說不　鄭嘉穎要時間同巨咪女做嘢

現年45歲的男神鄭嘉穎在將軍澳電視城為無綫新劇《殭》進行開鏡拜神儀式。

自嘲：小弟唔細

最近他被《好報》拍得在夜店與巨咪索女親熱，被問巨咪女是否其女友﹖鄭嘉穎說：「人哋係圈外人，已經帶咗好多麻煩、煩惱畀人，圈外人唔想咁高調。都係嗰句，畀啲空間我啦，一日未公布大家都唔好亂估，等我公布大家咪知，唔畀空間我好難發展。（識咗幾耐？）總之畀啲空間我，唔好理我啦！（啲人話你猴擒？）又唔好用呢個猴擒嘅字眼，小弟都單身咗好耐，好想有個伴，唔想一個人，呢個形容詞唔係太適合。（女仔詐型？）唔想講太多，唯一唔好意思係影響咗人哋嘅生活。」

新年P情到濃時

當追問事件公開後是否影響發展？他續說：「未公布大家都唔好亂估，我有分數，小弟唔細，等我公布先係真。（公布會唔會已經結婚？）最好係大家估我唔到，不過，大家唔畀啲空間，我好難做嘢。（減少夜蒲？）我一向都好少蒲，嗰晚係New Year Party同成班朋友一齊過。」

好朋友會互相祝福

對於獲緋聞女友佘詩曼祝福，嘉穎笑笑口說：「好朋友祝福對方係正常，我都祝福佢。（翻撻無望？）我同阿佘都冇咁講過。（家燕姐話你哋眼神有交流？）我都『R』晒頭，家燕姐都係出於關心，多謝大家關心，畀多啲空間我。」