生日飯食唔完　高海寧人緣好到爆燈

無綫藝員高海寧（高Ling）上年雖然喺年尾嘅頒獎禮上空手而回，但無損佢嘅人氣，劇集、廣告、代言接個不停﹗而今日係高Ling28歲生日，佢特登上載一張生日許願相，仲留言多謝身邊嘅親友：「謝謝你們的愛！ Love you all！」而《愛‧回家》嘅同劇演員郭少芸亦第一時間留言祝高Ling：「Happy birthday﹗」網友就十分好奇高Ling許咗咩願咁專心？唔通女神想喺新一年可以事業愛情兩得意？隨後高Ling更上載佢同宋熙年、陳智燊仲有佢嘅經理人齊齊慶生嘅相，仲話：「吃不完的生日飯局～今晚全蟹宴！謝謝宋熙年、陳智燊！好好味呀！」