陳意涵獨自旅行治情傷？

台灣女星陳意涵與髮型師Tom嘅戀情可謂撲朔迷離，去年10月先認愛嘅陳意涵，但相隔約兩個月後就被爆原來自己做咗第三者，但有傳陳意涵報道一出已經原諒對方，但至今就對戀情封口不提。可是，陳意涵喺今年嘅1月1日就喺微博上發表「喜歡一個人過節」嘅言論，似乎想暗示回復單身之意。

而佢昨日再次喺微博留言，自爆獨自旅行中：「一個人的旅行～自由的靈魂，一雙鞋」陳意涵仲將獨照上載微博，逆光自拍嘅佢笑容燦爛，而且容光煥發，睇嚟十分享受一個人嘅時光。網友都猜測佢今次嘅旅行係療傷之旅，所以都為佢打氣加油，並希望佢今年可以開開心心、順順利利﹗