台灣燃燒小宇宙　汪東城爆肌喪嗌

爆肌潮吹遍中、港、台！銳意在港打造時裝王國嘅台灣藝人汪東城（大東），唔只樣貌被指起變化，連身形都不斷升「級」架！睇真啲，大東胸肌隆隆，真係大過唔少平胸女架！

一大朝就起身運動嘅大東，喺微博大晒健身爆肌照，留言高呼：「一大早就燃燒我的小宇宙啊！啊！啊！」嗚呀！有聲架！一睇就知佢做得好肉緊喇！不過唔知係咪做到身水身汗，所以大東都無影自己個靚仔樣，畀啲肌肉你哋睇住先喇！