石天欣首次做MC嗌緊張

藝人石天欣早前在灣仔會展擔任烹飪比賽司儀，問會否敢參加烹飪比賽？她就笑言自己煮嘢食麻麻哋：「我整啲嘢好健康。（即係冇味？）煲啲湯都有人話甜架！」雖然台上表現淡定，但她就坦言首次做MC非常緊張：「啲稿都係尋晚好夜先收到，唔敢話好熟。」更直言現時已接了不少電影工作，不是打算專做司儀：「我有工作就會做！」至於有指她早前為錢在主題樂園工作，但她就表示自己主要是為體驗，亦慶幸有員工、遊客認得自己：「咁多人認得我真係好開心！」