Luke Evans嚟香港最想食點心

《狂野時速》男新星Luke Evans出席品牌開幕活動時，表示首次來港，昨晚已到山頂欣賞夜景。在香港新店開幕，舞獅表演絕對不少得，Luke表示以前在倫敦已欣賞過：「嗰時好遠咁睇，今次可以近距離欣賞，仲可以接觸，好有趣。」

問到品嘗過甚麼地道菜式？他說：「食咗好靚嘅龍蝦，新鮮嘅蔬菜，同埋從來未見過嘅蘑菇。（點心呢？）我好鍾意食點心，好想去大會堂附近排長龍嘅餐廳食點心。」他表示只逗留數天便離開，在港會有拍攝工作，只有一天自由時間：「我會行荷里活道同搭船，仲會買好多手信，我屋企人成日要我買磁石手信。」問到有否學廣東話跟港人溝通時，他拿出手機然後以不鹹不淡的廣東話說：「祝你生意興隆！」

另外，問到覺得同場的性感女神舒淇怎樣？他大讚舒淇優雅美麗，有善和甜美，隨後笑說：「佢畀佢Instagram我睇，話followers多過我，佢一定出名我好多！」