楊柳青三線發展忙不完

去年底於長沙灣開設潮店的Jessica C.師妹楊柳青（Wiyona，前名楊琳），雖然身兼模特兒、主持及老闆娘忙個不停，但承諾會不時於舖頭助陣，希望可以演藝及時裝同步發展。去年接拍Now TV時裝節目「Fashion Seoul大激戰」大獲好評的Wiyona坦言：「一路以嚟都諗住model先係主要，但係原來fashion係會令我喺娛樂圈更有定位，我都好開心！希望兩樣都keep到！真係好攰。」

今年Wiyona的節目再添食多兩集，更會到意大利及韓國取景，令她大呼興奮：「意大利係第一次去，超級興奮！歐洲國家嘅fashion係好勁o架嘛！有得睇就一定會睇埋騷！同埋我做完嘢應該會留多一個禮拜嘅！」至於意大利男士，Wiyona笑言：「其實咩國家都無問題，最緊要係真誠喇！」不過就希望今次可與男主持合作擦出火花。

瓣數多多的Wiyona，前年與舊愛分手後一直保持單身，問到擇偶條件，Wiyona說：「其實感覺喇，唔好醜樣喇，唔一定要靚仔嘅。其實遇到啱嘅未必係你條件嘅人嚟嘅，但係唔啱又好難逼。」曾以藝名楊琳勇闖台灣的她，近日用回原名楊柳青，笑言較親切及始終是爸爸的禮物。