蔡思貝孖許亦妮談心食雪糕

雖然近日天氣有少少回暖，不過氣溫都係得十五、六度咁上下，坐喺露天地方冒住寒風溫馨談心呢啲行徑，原來唔係一對小情人嘅專利，啱啱喺銅鑼灣就見到蔡思貝同許亦妮坐咗喺利園門外促膝長談。

見二人密密斟過不停，細聲講大聲笑，又不時互篤電話分享趣事非常開心，發現記者時，蔡思貝更搞笑話同許亦妮談心，原來二人因完成手頭上的工作，趁有空檔時間便相約聚舊，二人早前更勇敢地嘗試寒天食雪糕嘅滋味，難怪許亦妮在微博表示：「每次相見總是開心到傻左（咗），笑到跌落地，我幸福，因為身邊的好朋友都是會陪著（着）我瘋癲的人。」