陳智燊四驅車鍊輸小朋友

20150119
東網電視
更多新聞短片
陳智燊與小朋友一起玩四驅車。
藝人陳智燊(Jason)出席商場賀年活動,活動上更偕小朋友們一起玩電動四驅車,當場化身大細路,與小孩們打成一片。訪問時Jason笑稱自己沒有玩四驅車的經驗,笑指大會提供的比各參賽小孩的改裝車弱很多,看見小朋友們的比賽自己都嘆為觀止。
提到他在活動期間曾揚言想學功夫時,Jason即時變得興奮,謂要學功夫順道修身,他謂:「原來我哋公司(無綫)好多同事都識打功夫!其中一個幕後打詠春係好勁嘅,我知道咗就好想請教佢。(保護女友?)功夫都可以保護佢,但係都有其他方法!」
問到Jason與女友宋熙年打算怎樣共度情人節?他謂:「情人節,未諗呀,但係啱啱同佢拍咗個情人節promo,我都好耐冇同佢拍呢類型,今次係有少少劇情,係要保護身邊人,當中都有啲趣味性,佢又少拍劇,大家交流吓,諗返都開心。(演情人?)係呀,做番自己嘅,不過個故事係虛構。我哋都未一齊拍過戲,但係佢可以好快投入到,希望個效果好啦。」
另外,Jason透露無綫劇《水髮胭脂》將會於3至4月播出,非常期待自己與陳豪和蓋鳴暉首次合作的演出。