佘詩曼捧走華鼎視后冇諗住加片酬

佘詩曼到理工大學出席捐血活動，但未能成功捐血，她說：「我篤咗手指，但職員話我食緊中藥唔捐得，我打算停藥後七日，再搵日去捐血。」

談到剛在華鼎獎捧走「中國最佳電視劇女演員」，阿佘說：「冇去慶功，要準備今日嚟捐血嘛！（加片酬？）唔會啦，我希望遇到更多好角色，好劇本同對手！（已經天價冇得再加？）唔係，我一向唔理呢啲，交畀公司處理，我去享受我嘅工作。」她又透露好想與家人外遊度假，但因要拍戲及為電影做宣傳而行唔開。