華姐邵珮詩求得下籤：最緊要做好自己

候選華姐之一的港姐冠軍6號邵珮詩（Veronica）聯同其餘17位佳麗到元朗大樹下天后廟求籤兼到屏山食盆菜。最後抽中下籤的她就獲解籤師傅指點指她雖然有機會奪獎，但着高踭鞋時要特別注意。首次求籤的她謂：「最緊要做好自己，咁先係最重要。（唔擔心咩？）少少都有。」不過她指自己有做開運動，所以不怕扭親腳：「我唔論盡，着住高踭鞋都識跑！」

談到最近身為港姐冠軍的她被4號張羽琪和11號惠櫸喬等玩過Cosplay的佳麗搶盡風頭，她就指自己有看報道。問她如何挽回劣勢？她就直言自己將靠決賽表現突圍：「唔需要做新聞畀自己，相信我嘅表現大家會睇到！」而Veronica見到4號張羽琪玩「龍洗」，亦唔執輸玩埋一份，不讓對方專美。