陳凱琳否認同蔡思貝鬥緋聞勁

前港姐陳凱琳（Grace）為新劇《四個女仔三個Bar》到鑽石山某中學宣傳，首次到訪香港校園的她獲學生包圍「集郵」，她說：「好開心，本來都擔心阻人食飯，又驚大家唔知我哋邊個嚟。」問到記對白有否難度？飾演實習律師的她稱還好：「Ben（黃智賢）先係大律師，所有嘢佢講，我哋就坐後面抄notes，有時拍到好夜唔講嘢仲攰，Ben同鄭子誠背詞好犀利，一嚟又清晰又快，真係要跟前輩學吓嘢，希望觀察完吸收到。」

提到近日緋聞不絕，記者笑問是否跟蔡思貝鬥勁？Grace笑言要配合思貝輪流傳緋聞：「大家要夾定先，但唔好搭同一個，要有智慧地傳緋聞。」