楊怡預告新劇露背：已經係極限

藝人楊怡以「馬姐」造型於電視城為無綫劇集《逆戰塘西》進行拍攝，期間她於劇中被人迷暈及綁架，大晒視后級演技！談到劇中動作戲連場，楊怡表示會步步為營：「男仔多啲槍戰。（拍劇驚受傷？）意外冇得驚，落到場地就小心啲！」

提到她日前表示劇中有露背戲份？楊怡笑說露背已是極限：「我係馬姐唔會畀人睇到個身。（露背）已經好極限！」談到新年安排，楊怡自爆會到男友羅仲謙家中拜年及逗利是：「上年新年凍親要撲去醫院睇醫生。（今年去返男友屋企見家長？）唔使啦，大家都識，不過會周圍去逗利是，我都未結婚，值得逗吖！（去男友家逗利是？）有時間就會去！」她又透露日前到內地剪綵及與「視帝」郭晉安到國外登台，實行「過肥年」！