徐子珊病到失聲　講嘢畀經理人話核突！

藝人徐子珊到尖沙咀出席無綫劇《再戰明天》慶功宴。早前到澳門出席華鼎獎時抱恙的她至今仍未康復，雖然沒有去睇醫生，但病情在這兩天已有所好轉：「唔想食咁多抗生素！諗住Train吓自己啲抵抗力，我都好少睇醫生。」她又自爆失聲兩日，幾乎要用手語溝通，要睇書打發時間：「經理人打畀我講工作上嘅嘢，我都覆唔到。佢叫我唔好講嘢，打字算，把聲太核突！」而她又透露自己沒有出錢請食飯，更指等吳啟華回港後，讓對方請多次：「啟華哥咁有錢！（佢做緊嘢嚟唔到？）我唔知佢係咪喺大陸，但總之係做緊嘢。本來又話得，但轉頭又話返唔切。」

農曆年將至，問打算逗幾多利是，每年派五位數字的子珊笑謂：「通常逗唔番咁多，都一把年紀，邊好意思！（快啲嫁！）我都想呀！」