麥浚龍念念不忘吳日言　搵佢拍新歌MV？

歌手麥浚龍（Juno）到電台宣傳新歌《念念不忘》時，透露早前患上氣管炎，又忙着準備新戲劇本，希望新年後能做前期工作：「同埋依家出咗歌，都會做埋碟，希望暑期出到，因為想出碟後專注拍新戲。」問到新碟進度，他透露已揀好歌曲，但暫只錄好《念念不忘》。他又指曾有主辦邀請他在紅館開演唱會：「之前黃偉文個演唱會表演後有人搵過，但嗰陣我揀咗拍《殭屍》，紅館最快都要下年，冇理由做做吓導演去開騷。」他亦坦言想在紅館開騷，但認為最大的敵人是時間。

至於新歌《念念不忘》正正是十年故事的回憶，問到有否想過網上迴響這麽大？他謂：「首歌上年已做好，等到今年先出，當時冇諗反應咁好，都好開心。」Juno又指將於2月拍MV，問到有否想過找回《耿耿於懷》MV女主角吳日言拍MV？他坦言有想過，但始終10年前MV故事感不強，加上歌曲有其他人參與，所以至今仍在考慮，而新碟亦會找其他歌手合唱，那麼MV會回到《耿耿於懷》的場景拍攝？他笑言可一不可再：「嗰陣拍咗80幾個take，條樓梯行咁多次都幾辛苦。」