張敬軒回憶頒獎禮有遺憾

新鮮出爐「叱咤樂壇我最喜愛的男歌手」張敬軒接受電台訪問，他直言真係對自己信心不高：「因為覺得唔好睇得自己太高，曾經有一段時間有人叫我『張勁囂』，依家睇返可能當時講嘢太直。」他又講到從小到大父母都不曾讚過自己，令自己從父母身上得到的認同感很低，有時被人讚亦覺得只是客套說話。

他又講到在叱咤頒獎禮上覺得有遺憾：「得獎一剎那我係呆咗，祖兒（容祖兒）推我嗰時我先醒返，然後做晒我應該做嘅嘢，攞張紙出嚟講晒我應該講嘅謝詞，我依啲死人性格其實令我冇咗好多人生樂趣，其實我好羨慕千嬅（楊千嬅）佢哋係台上有情緒，用眼淚回報自己。」