台灣辣媽分享　大S：我要狠狠愛她一輩子

台灣女星徐熙媛（大S）自從去年「升呢」做媽咪之後，有女萬事足嘅佢經常都會喺社交網站大談媽媽經，分享日常同囡囡汪希玥（小玥兒）嘅生活點滴。今朝一早，大S喺facebook上載小玥兒嘅近照，頭戴貓耳朵頭箍嘅佢笑容燦爛，十分趣致，大S仲留言話會愛佢一生一世：「感謝老天賜給我這個每天笑嘻嘻的好孩子！今天玥兒滿九個月了！我要狠狠愛她一輩子!」雖然之前有人話小玥兒個樣同佢老豆汪小菲成個餅印咁，網友見到小玥兒嘅笑容之後就同大S講：「讓人忘記煩憂的笑容，就像媽媽一樣甜美！」