周家蔚呻洪天明鼻鼾聲大：寧願分房瞓

藝人周家蔚和趙頌茹（阿Yu）出席荃灣一個親子商場開幕活動。周家蔚大爆老公洪天明常因拍劇夜歸，而且又因太攰而不時打鼻鼾，不過家蔚就笑言不忍心與囝囝分房瞓，寧願偕囝囝洪大仁到另一間房瞓覺，笑言：「留番張大床畀佢啦，不過始終都係要睇小朋友需要啦，唔可以太過遷就小朋友，唔可以畀佢哋話事，主權要喺番父母身上。」另外，有自己童裝生意的周家蔚就表示在今次的親子商場設有鋪位，更大讚其服務全面，銷售、收銀都由商場一腳踢似足百貨公司，絕不辛苦。

此外，阿Yu都表示應給小朋友獨處空間，稱自己會讓四歲的大女自己在房寫字畫畫，謂：「等佢哋唔使受到影響，培訓專注力。（同小朋友分開瞓？）我依家左擁右抱，（小朋友會問爸爸的事？）都話唔會再問，佢哋明白晒。」而獨力撫養兩個小孩的阿Yu都表示對童裝有興趣，仲連設計都想做埋，她說：「個設計想係有啲訊息，不過唔係依家，要儲吓經驗、錢、同埋朋友先！」