郭晉安為行善　拎全家出嚟拍賣

「視帝」郭晉安（安仔）官仔骨骨現身灣仔會展，出席長者慈善晚宴；期間安仔更拍賣於去年12月舉行的無綫台慶頒獎禮中穿過的「視帝戰衣」，為長者服務籌款。

安仔與戰衣設計師齊齊受訪，設計師透露動用過萬粒彩色水晶，於兩星期內為安仔打造象徵其寶貝仔女的白色戰衣。安仔聞言即搞笑「自嘲」一番：「今次拎全家人出嚟拍賣！」問到安仔會否自己投回戰衣？他說：「太高買唔起，有好多善長（在場）。（目標拍賣幾錢？）愈高愈好啦！（唔捨得賣？）係呀，要摸多兩吓先！」

安仔又表示細心的設計師，為他設計了同款的黑色西裝作紀念。他坦言希望以拍賣戰衣喚醒大家行善：「呢件衫對我意義幾大，我相信福係要積，積完要分享，希望可以喚醒大家去關心老人家！」戰衣底價為三萬八千元，最後以六萬二千元成交。