袁嘉敏坦言拍完露點戲　要返澳洲靜養

袁嘉敏亮相主演新片《鴨王》首映，並坦言心情緊張：「未試過喺咁大間戲院睇番自己演出。（頭先合照畀何佩瑜、何浩文冷落？）係咩？唔覺喎，我冇諗應該點企，我不嬲都無所謂。（覺得Jeana同何浩文攬錫故意搶鏡？）佢哋不嬲好朋友，情同兄妹，我冇諗咁多，唔通我掹開佢哋咩？儀式嚟嘅啫，做乜都OK。」

她又回應被指由拍2場床戲變6場的報道：「導演係新導演，加加減減梗有，但佢有啲係即刻加，仲好激烈，我冇預計到，所以喊咗出嚟，係真眼淚。（片酬相對變少咗？）因為有合約，我唔可以講係幾多。我拍完套戲後，的確係返咗澳洲，去啲森林度靜養，因為我膽小怕事，之前拍戲日日都喊。（首映完咗，宣傳告一段落？）之後我都仲要參與謝票。」