楊丞琳孖住阿Sa出動醫肚

台灣歌手楊丞琳最近為咗宣傳新碟而四處飛，但一向交遊廣闊嘅佢無論去到邊都有朋友相伴，就好似早前佢去到北京做嘢就搵咗好友潘瑋柏聚會，而呢位大忙人近日嚟咗香港工作，佢第一時間就同咗另一好友蔡卓妍（阿Sa）相聚，之後仲齊齊出去醫肚，事後楊丞琳將佢哋二人嘅合照上載微博並留言，仲笑問「吃醋嗎」：「好啦好啦！昨晚我們又去約會了！吃醋嗎？」而近日瘋傳同男友陳偉霆分手嘅阿Sa心情似乎冇受到影響，佢同楊丞琳仲開心自拍，睇落心情十分唔錯。而網友就搞笑咁同楊丞琳講：「我吃醋了，放開阿Sa讓我來﹗」