李敏鎬見面會賣萌 高呼「我愛你」冧粉絲

20150127
東網電視
更多新聞短片
李敏鎬氹得粉絲暈得一陣陣。
韓國男神李敏鎬出席由周大福舉辦的見面會,吸引不少粉絲在活動門外聚集,而有機會入場的粉絲則一早到場,望能近距離目睹偶像風采。活動上的保安亦相當嚴謹,逐一檢查粉絲手上作認證的手帶,但見面會延遲近40分鐘才開始,而公關亦一早通知各大傳媒李敏鎬活動完結後並不接受訪問。
處男作獻粉絲
當主持人正式介紹李敏鎬到場時,粉絲們紛紛大聲尖叫,他先以流利的廣東話向粉絲們打招呼:「大家好,好耐冇見!」及後在台上接受主持人的訪問。問到今次首度與周大福合作推出飾物系列?他透過翻譯表示:「今次實在太興奮同品牌合作,有機會可以同世界各地有近距離接觸,好開心。(創作靈感?)7係我幸福數字,而七芒星代表人類情感,又可以代表自然界元素風、火、水同土等。(首次做設計嘅感覺?)好特別嘅感覺,第一次參與設計,係新創意,珠寶比較係特別日子戴,但2015會比較可以同Fashion混合,自己唔鍾意戴單一手繩,比較鍾意一次過戴幾條。」問到會把第一次設計的飾物送給誰?他賣口乖表示:「第一次設計飾物,因為有粉絲支持先可以設計,所以第一次想送畀粉絲。」
拍拖交畀命運
當主持人問到他想品嘗香港甚麼特色美食?粉絲大叫砵仔糕及臭豆腐,他即用廣東話説了一聲:「臭豆腐。」又指未試過食臭豆腐。問到未來工作計劃?他則表示:「新電影即將喺香港上映,又將會舉行演唱會,希望可以盡量投入電影,可以多啲同粉絲見面。(冇時間拍拖?)人與人之間有一種命運。(新年會點過?)過年會留喺屋企,陪伴家人。」他更與多名粉絲玩遊戲,又應粉絲要求臉貼臉合照,期間不時賣萌兼高呼「我愛你」。在見面會尾聲,他向粉絲們道謝:「雖然香港離韓國話近唔近,但之前電影喺韓國上映,好多香港粉絲都有飛嚟韓國支持我。」