官恩娜獲爸爸送千萬嫁妝做幸福新娘

官恩娜和洪永城出席啤酒活動，司儀以準新娘子介紹她出場，戴住巨鑽訂婚戒的她，被問到是否下月結婚？她表示：「都結吓啦，但因為男友低調，唔多講，屆時自會同大家公布，我會喺香港結婚，（係咪結咗先發相公布？）由公司安排啦，問到我好緊張標晒汗，不過係開心嘅汗。」

有報道指官爸送上巨額嫁妝，她承認達八位數字：「有六對龍鳳鈪，三set鑽飾及兩set珍珠，全部都係爸爸揀同送，但太誇，結婚嗰日唔會一次過戴晒出嚟，多謝爸爸，（咁結婚戒指呢？）唔會有好大粒鑽石，但都有鑽石，係爸爸幫我設計同喺佢工場做嘅。」