宣萱連「老公」都唔信？

藝人宣萱於上環，為表姨丈蔡和平自資的餅店開張儀式撐場，期間high爆的她，一度舉起獅頭作勢舞獅！

投資果汁店白做收場

宣萱自爆兩星期前已帶父母到場試食，問她有否被邀入股，宣萱自嘲冇做生意頭腦，又透露曾與羅嘉良開設果汁店「白做」收場：「我鍾意做宣傳多啲，之前同嘉良開果汁店覺得複雜同有壓力。（有陰影？）冇。（蝕本？）拉平，冇賺冇蝕，營運咗兩年都好enjoy！（和氣收場？）係呀，嘉良無咩所謂畀我話事，相處融洽！」

迷信拒講感情

談到她不擅營商，不如交予男友處理，宣萱笑言日後連老公都信唔過：「做嘢唔好牽涉家人同男友，免得嘈交。媽咪教連老公都信唔過！感情事唔講喇，結婚先講！（到達適婚年齡嘅你幾時結？）過咗啦，你哋有日查到結咗再問，講（感情）得多唔老嚟架！」