周秀娜自覺男人幫着鞋好浪漫

周秀娜出席時裝活動時，透露自己前來看騷，為自己的內衣品牌吸引經驗，並透露希望遲些自家品牌會推出服裝及鞋履。她表示自己很喜歡穿運動鞋，並自爆覺得男生替女生穿鞋很浪漫。她說：「好灰姑娘嘅情節。我之前拍劇，有一幕男主角要幫我着鞋，嗰一刻我都有心動，好浪漫。（唔覺得咁樣男人冇男子氣概嗎？）唔會，呢個動作好優雅。因為我哋平時工作成日着高踭鞋，成日着得好趕，好唔優雅。不過我要搵到個令我心動嘅男仔先，宜家仲搵緊。」