Phil背杏兒夜蒲　仲要一拖三？

現年35歲的無綫花旦胡杏兒，自從與拍拖八年的黃宗澤分手後，dry足近三年至近日終打爛「dry」缽！近日杏兒驚爆戀上李詩韻舊愛、金融才俊兼夜場老闆Philip Lee（Phil），更盛傳二人隨時閃婚！

身處內地拍攝真人騷的杏兒，接受《東網》訪問時亦難得風騷直認戀情：「我係拍緊拖，佢好好，唔好嚇走佢呀！返嚟再同大家講啦！」

雖然要北上搵銀，但杏兒亦不忘隔空向愛郎傳情。除不時在微博大晒在湖南長沙的開工照外，更借愛貓撒嬌，於微博上載愛貓「包包」照片，並以包包口脗留言謂：「最近感覺，我失寵了！」

那邊廂杏兒背負「相思之苦」在內地開工博殺，這邊廂留守香港的Phil上周三竟「獨自去偷歡」，趁女友不在出動夜蒲偷會索女。

有「選美殺手」之稱的Phil，上周三晚上十時許，與三名長髮索女於中環街頭細聲講大聲笑，甚惹注目。現場所見，其中一名索女是莊思敏細妹莊思華（Mona），不過她卻慘遭漠視，而Phil目光則全程落在一名黑髮清純女子身上！四人暢談一輪後，Mona與其中一名長髮索女先行坐車離開，而Phil則與「目標」黑髮清純女，登上另一白色座駕絕塵而去。