通訊局追千萬牌費　葉家寶返大陸撲水

亞洲電視執行董事葉家寶接受電台訪問，對於通訊局要求亞視須在下月十八日及三月十八日分兩期全數繳付拖欠的牌費及利息共千萬元，葉家寶說：「依家盡最大努力，因為啱啱招標嗰度未來一段時間好快有公布，新嘅投資者都知道亞視要短期資金，牌費亦都係好重要，因為導至咗會唔會暫停牌照會唔會發生，除發薪金之外，亦係我哋首要工作。」

早前上咗大陸廣西嘅葉家寶被問到具體情形及何時可出糧？他說：「佢哋唔係話幫我哋出糧，主要係話繼續支持亞洲電視，有啲係冇落廣告都話會喺我哋到落廣告，知道我哋目前情況，用唔同方法同我哋合作，即時資金收取到，依家有部分政協委員仲喺廣西開緊會，等下星期佢哋返嚟再同佢哋接觸，基本上好多朋友睇到亞視目前情況，唔想突然間一個電視台消失咗，都話願意係任何情況下支持亞洲電視。」