驚現虎面人　猜猜我是誰？

咦？邊個嚟架？雖然佢戴住個潮爆老虎面膜，但都絲毫掩飾唔到佢嘅魅力，唔知大家估唔到佢係邊個嚟呢？開估啦！原來佢就係台灣女神徐若瑄（Vivian），唔怪得隔住個MASK都咁靚啦！不過可能Vivian塊面太細啦，塊Mask好似唔太啱Size咁，佢自拍之後放上社交網站留言：「以朋友送的老虎面膜！鼻孔那裡（裏）怪怪的？虎頭豬鼻？嘴巴也快掉下來！」女神瞬間變成老虎，難怪網民見狀就話：「變虎姑婆，你老公可憐了！」