台灣同吳建豪和好 　石貞善練定抱B手勢？

台灣歌手吳建豪同妻子石貞善（Arissa）嘅婚變傳聞峰迴路轉，二人分別都喺Instagram暗示已經修好，呢pair夫妻嘅故事簡直拍得住電視劇情節咁精彩！

日前Arissa喺Instagram上載一張文字圖，意思大概係話希望自己畀人記得係個誠懇嘅人，即使自己犯錯，誠懇仍能抵銷錯誤。而圖片似乎意有所指，未知係咪想暗指佢哋兩夫妻對待彼此嘅態度。之後，Arissa再上載一張手抱朋友BB嘅相，手勢似乎非常純熟，佢仲大讚BB：「so cute」，令人聯想到佢哋夫婦關係先啱啱好轉，會唔會想立即展開造人大計呢？