林保全出殯 譚炳文嘆無可取代

20150131
東網電視
更多新聞短片
林保全今日出殯,有份扶靈的譚炳文(左)及曾醒明一早到場打點。

林保全今日在世界殯儀館出殯,有份扶靈的生前好友譚炳文一早便到場打點,他表示與保全叔認識了四十多年,問到有否不捨得?他謂:「人生,總要離開,睇吓邊個先。(會有新人配叮噹?)叮噹把聲好難配,唔係咁易,但佢(保全叔)有股勁!(佢囡囡配?)唔得!取替唔到。(佢屋企人心情點?)平復咗啦,都成為事實。」

譚炳文又大讚保全叔為人:「佢人好,又冇是非,識佢咁耐冇聽過佢講粗口!」保全叔過身的消息得到全港市民的關注,譚炳文大嘆他死後才成名:「死咗先成名,小小配音員都可以有咁嘅成就!」

叮噹配音員未有新人選

而無綫企業傳訊部副總監曾醒明,昨日帶了三幅小朋友的畫作到靈堂,透露是小朋友親手畫作送贈保全叔的作品。曾醒明表示昨晚向市民派了二千本紀念冊,問到配叮噹的新人選?曾生說:「現階段要睇吓公司會唔會繼續買版權嚟播,依家仲言之過早,公司依家全力協助保全叔屋企,送保全最後一程。」