陳玉蓮為善最樂:上車做司機落車做咕喱

20150131
東網電視
更多新聞短片
陳玉蓮做善事享受助人的樂趣。

藝人陳玉蓮以復康大使身份出席《復康力量在「職」達人頒獎禮》。被朋友封為「現代文盲」的蓮妹,原來已經「文盲」不再,更安裝了社交App微信方便與人通信:「我依家好多時間都喺內地做慈善,人哋好多時都要Send啲相畀我,費事要下下Check Email,用微信就方便啲,不過只係裝咗微信,同埋自己手機冇流量,要有Wifi先收到。」

近年忙於慈善工作的蓮妹透露,要經常穿州過省到山區探訪,享受助人的樂趣:「我同朋友六年嚟自己揸車去唔同山區,主動去搵自己想做嘅事,同自己本身被動嘅性格相反。過程都辛苦,我都話自己係上車做司機,落車做咕喱,要自己搬物資,但係好開心!」

放聲氣再拍劇

蓮妹近年甚少在幕前露面,但放風想拍劇:「大家都以為我全職做慈善,其實我成日放聲氣話有劇本可以搵我,只要係啱我Standard(標準),無論內地定香港,我都歡迎。」