黎耀祥夾錢買豪宅　將大屋變劏房

藝人黎耀祥、曾華倩及呂慧儀等到山頂市值2.8億的豪宅拍攝無綫賀歲節目《家家有喜事》。劇情交代祥仔是豪宅的業主，他相當「入戲」說：「大家隨便坐，我計過數搵十個八個朋友夾錢買都應該買得起，最多變豪華劏房。」現時租樓住的他數口精明：「如果供我住緊嗰層，淨係息都貴過租啦，我依家仲有流動現金喺手喎。」他更透露最近放了個長假，只顧吃喝玩樂，放縱令自己明顯發福了！

呂慧儀想追女被老公請食檸檬

而呂慧儀衣着密實教人失望，她笑說：「我（咪咪）依家屬於個仔，唔可以亂咁露出嚟，況且要小心自己健康，唔可以冷病，我仲餵緊人奶。」農曆新年她會留港度歲，帶BB四出逗利是。問新年願望是否「追多個」，她說：「想追個女湊成『好』字，我都想學陳茵媺咁，但係我老公請我食檸檬，佢話見我生產過程太辛苦喇。」