Jessica C.望情人節有驚喜　安志杰識做喇！

模特兒Jessica C.出席迎新春開幕禮活動，身穿旗袍的她還即席行騷及在桃花樹下繞了三圈，她還表示知道封利是的意思：「我知人哋做嘢會派，同埋結咗婚之後會派，會將好運帶畀人。（你準備咗未？）未呀，唔係今年，我都係等收利是。（好快同男友安志杰結婚？）我好享受依家同佢呢個時刻，大家好開心。」

她又謂非常羨慕同場的呂慧儀生BB後身材仍是fit爆：「好難相信生完BB仲可以keep得咁好。（你鍾意BB？）我鍾意呀，我妹妹都生咗BB，所以我都有好多姨甥。」

至於如何度過情人節？她甜笑表示：「我唔知道呀，希望收到驚喜啦。（準備咗禮物畀男友？）準備緊，佢係一個好男人同一個好浪漫嘅人。（親手整？）未知住。」