馬國明再衝雲霄激咀江美儀

賀歲片《衝上雲霄》電影版3大型男張智霖、古天樂及吳鎮宇的感情線浪漫兼催淚，「串星」馬國明亦獲安排與「Head姐」江美儀的姐弟戀由公仔箱伸延至大銀幕上，而馬國明首日開工，便被安排與美儀激咀，相當火辣﹗他接受訪問笑說﹕「好彩大家熟囉。（美儀投訴你冇期，搞到英國外景佢冇得街頭浪漫喎。）因為我喺香港拍緊嘢嘛，真係唔好意思囉。其實決定拍呢套戲我冇問過戲份同片酬，因為要畀面監製梁家樹，我第一套有角色名字嘅電視劇，就係佢畀機會我嘅。」

朱璇英國度中秋古仔請食飯

另外，《衝》片內扮演空姐的朱璇與內地演員劉俊孝苦戀，最終獲對方於飛機安全帶暗藏鑽戒求婚，可謂守得雲開見月明。然現實生活中靚女卻喜歡平淡：「呢啲嘢都係用嚟拍戲啦，我覺得做人簡單啲好，況且我一定唔會咁執着（苦戀），畀我一早就放棄咗呢段感情喇。」她又表示最難忘英國外景遇上中秋，與一眾演員於異鄉賞月及漫步沙灘：「仲有古天樂請食飯，好warm呀。」