仲未答應拍拖　唐詩詠讚洪永城充滿驚喜

唐詩詠、高海寧（高Ling）及謝安琪（Kay）等為李思捷主持的節目《今晚睇李》錄影，與洪永城關係鬧得熱哄哄的詩詠，坦言起初擔心要答問題，幸好最後僅是玩估歌仔遊戲，令其放下心頭大石，問到是否擔心被追問戀情？她笑謂：「唔知，都估唔到。（驚唔驚爆肚照問？）我諗唔會，但都諗吓點反擊。（同洪永城發展成點？）多謝大家關心。（情人節約食飯？）呢段時間咁危險，唔一定嗰日食，都係簡單啲好。（幾時先答應佢？）等佢儲多啲like先。（外間覺得佢花弗）佢充滿驚喜，但唔可以正面讚佢。」

對於該節目被指抄外國節目，詩詠則力撐思捷謂：「可能橋段相似啫！」而高Ling談到節目涉抄外國節目，她謂：「自己冇睇所以唔知，最緊要節目畀到大家歡樂，全世界都係咁，唔知邊個抄邊個。」至於Kay亦撐到底謂：「抄都係一種講法，香港都冇。（畀人鬧節目玩屎尿屁？）夜晚節目可以直白啲，用輕鬆風格去表達，大家唔好咁介懷啦！」