黃浩然劇本遺留的士　懸紅一千蚊搵番

黃浩然出席全新的士新聞發布會，表示平日飲酒或工作太攰也會搭的士回家，又指有次不慎將劇本盒遺留在的士上，幸最後也失而復得：「因為劇本盒對自己太重要，我喺劇本上面做晒功課，所以打去的士台出一千蚊搵番。」早前患貝賽特氏症入院的浩然，又笑言與的士司機感覺相熟，因為對方會慰問他的病況，他更透露病愈後自九月開始戒煙，雖然目前只是暫時性戒煙，希望為肺部「留Quota」，但稱現在聞到其他人食煙也覺臭：「希望盡量保持住（戒煙），由九月到依家，都算成功。」

提到剛榮升爸爸的謝天華宣布一索得男，浩然嘲笑對方有排捱：「生仔好活躍，生女會好啲，因為我啲小朋友同林嘉欣個女同校，見到嘉欣行開再行返番嚟，佢個女都仲坐喺到，女係會乖啲、靜啲。」