林峯病倒兩表妹入院　千語勸大眾出街戴口罩

女星吳千語出席時裝活動，她透露下個月或會到美國取景拍攝內地劇集，並表示十分期待：「呢部劇會去三個地方取景，其中一個係美國，我未試過去咁遠拍劇，亞洲地區就去過，所以都好期待。（林峯會喺美國錄緊音，如果成行會唔會meet到？）應該唔得，佢都有劇要拍。」問到情人節如何慶祝？千語表示還在計劃中，因為男友生病中，她續說：「依家流感好嚴重，我有兩個表妹都入咗醫院，有百幾人死咗，點解唔係好多新聞講呢啲，真係幾嚴重，所以出街都要戴口罩，食嘢要用公筷，注意個人清潔。（少見咗？）佢都要休息，成日睇醫生，我都同佢講要認真休假。（有冇煲粥畀佢？）我唔喺香港，如果喺香港都會關心佢多啲！」

談到農曆新年，千語表示也會跟男友家人拜年和吃飯，她笑說：「其實都見過幾次，都唔係咁拘謹嘅。（有冇佢細佬份？話佢細佬唔鍾意你？）唔係，佢細佬少喺香港，佢尋日先傳短訊畀我，問我邊度滑雪好？」千語又謂未去過馬爾代夫，不過跟男友度期最少要半年後，因為對方太忙，笑言應該陸沉之前可以去到。