古天樂佘詩曼池中浪漫激吻

20150204
東網電視
更多新聞短片
古仔拍呢場激吻戲凍到牙都震。
型男古天樂於《衝上雲霄》電影版中飾演高富帥航空公司老闆,為了重新追求初戀女友佘詩曼,使出3招成功抱得美人歸!故事講及二人昔日為了前途而分手,事隔多年阿佘成為空姐,巧合地於古仔剛接手的航空公司工作,二人飛機上重遇,古仔決定不再放手。戲中古仔不但雨中跪地為阿佘拔高跟鞋,二人更於私人泳池激吻,之後還大玩剃鬚膏戰,相當浪漫。
古仔透露冒雨救鞋一幕是神來之筆,由於在英國拍攝外景的時間有限,但雨一直落,剩下最後救高跟鞋這個鏡頭未拍,惟有硬着頭皮照拍,豈料效果比如期更浪漫溫馨。另外,他們初戀時拍拖、分手到最後古仔求婚,都由英國海邊的一個遊樂場摩天輪見證,古仔和阿佘坦言拍完電影《衝上雲霄》後,每次再見到摩天輪就會想到對方。戲中古仔連環出招冧女,阿佘坦言被對方電暈,她說:「剃鬚膏大戰嗰場戲好有拍拖feel,我睇play back都覺得好sweet,如果現實生活有咁浪漫就好啦!」不過古仔坦言兩場戲都是好睇唔好受,他說:「喺泳池除衫咪凍到我牙都震,仲要扮陶醉,現場幾十人又打燈又收音,搞笑多啲!之後剃鬚膏戰好難忘,劇情講我攬住阿佘跌倒,點知計錯數,撞到佢暈陀陀!」阿佘笑說:「剃鬚膏戰場戲,古仔因為撞親我,事後不斷向我say sorry,我講笑要佢照顧我下半生!」