真假高Ling邊個更正？

20150204
  • 東網電視
    更多新聞短片
    左邊呢位係高Ling，右邊呢位係翻版，其實嚴格嚟講，都唔算好難分。
    前港姐高海寧（高Ling）一直都係一眾宅男嘅永遠榮譽女神，皆因佢有前又有後，天賦嘅完美身材唔單止迷死男士，連女人見到都又羨慕又妒忌！
    不過今次可算係一山還有一山「高」，事關近日彈出咗一位憑微電影《我的女神Miss！》突圍嘅翻版高海寧向殷（Cecilia），坐擁34D驕人上圍嘅Cecilia，好快就成為網民熱話，唔少人驚嘆佢由頭到腳似足高Ling，唔單止個樣，連心口嘅導彈都一樣咁澎湃！
    有網民大讚呢位「翻版」靚過「原裝」多多聲，不過有高Ling嘅死忠粉就話始終都係高Ling好，呢啲嘢咪叫各花入各眼咯。
    至於小編，就真係細心分析過呢兩位真假「高Ling」，睇番向殷啲相，發現佢只有兩輯相特別似高海寧，其他嘅相，可以話係同高Ling一啲都唔似，所以係樣貌方面，呢兩位嘅相似度只有60%。
    至於上圍，兩位「高Ling」的確有百分百嘅相似，皆因兩位都好好肉地，不過翻版「高Ling」條腰就似乎再幼啲，所以相似度只有90%。
    總括而言，向殷應該都前途無可限量，一來網民對佢已經熱切關注，二來佢只有21歲芳齡，要追貼真高Ling，大把時間啦！
    網民有話兒：
    賣小xxxx：似高寧都大包米，哈哈！
    xxxx女孩：高寧真係好正！香香都無佢咁好！
    無養貓xxx：呢個女仔個樣正常咁多！