Tiffany＠少時透視裝賣萌

少女時代成員Tiffany在港出席時裝活動，惹來大批粉絲及途人圍觀，甫到場即令粉絲們瘋狂叫囂。

一身see through大露背上陣的她性感非常，她表現極之親民，除了跟粉絲揮手打招呼，更全程笑容滿面，又主動跟在場記者握手。記者讚她打扮得很性感，她笑說：「真嘅？我覺得自己好似一個公主。（做足安全措施？）當然，好安全㗎。（今次嚟香港會留幾耐？）其實今晚就走，尋晚參加咗一個好正嘅Party，我嚟香港從未試過咁樣出去，可以出去行吓覺得好開心。（感受到粉絲嘅熱情？）感受到，我尋日第一次出去行街時遇到粉絲，見到佢哋好開心好熱情，我喺機場已經感受到。今次嚟我仲食咗點心。（你同另一成員秀英會唔會見面？）會呀，活動完咗我就會join佢，佢依家喺樓上shopping。（你哋嚟香港出活動酬勞好高，賺好多？）係咩？我唔知，好開心可以獲邀參加咁大型嘅品牌活動。我有shopping呀，係呢間店shopping咗兩個鐘。（買咗幾多錢？）秘密。（鍾唔鍾意香港？）我愛香港，好amazing，特別係啲粉絲，我急不及待想同香港粉絲聚會。（覺得香港男仔點？）好靚仔。（今年情人節點過？）會同屋企人一齊過，好耐無陪過佢哋，覺得好興奮，我哋會返洛杉磯嘅屋企度假。」