鍾嘉欣迷路慌失失　一見記者戴帽遮醜

女神鍾嘉欣撇下緋聞男友伍允龍，獨自一人素顏現身中環，戴着粗框眼鏡、孭着背囊兼紮了辮仔的嘉欣BB，打扮成個學生妹咁，真係少啲眼力都認佢唔出。

現場所見，嘉欣BB似乎於鬧巿迷路，只見她取出手機，打開導航左望右望，然後再致電向友人求救，最後更硬着頭皮走進酒店，向職員問路。酒店職員指手劃腳一輪後，嘉欣仍然一臉茫然。

嘉欣BB離開酒店時發現記者，未知是否怕失暈迷路一事穿煲，她全程表現尷尬，更取出Cap帽戴好後才繼續搵路，感覺有啲神秘喎。