姚子羚唔Like杏兒男友嗰類型：當佢哥哥！

無綫藝員黃智賢、陳凱琳、姚子羚、劉佩玥及陳瀅等為劇集《四個女仔三個BAR》在尖沙咀栢麗大道「獻吻」派禮物宣傳，吸引不少途人圍觀。穿着四吋高踭鞋亮相的姚子羚，直認覺得現場人多擠逼，但慶幸沒有「蝕底」，她說：「係着高踭鞋論盡啲，下次會着波鞋跑得快啲。」講到好姊妹胡杏兒與Philip Lee拍拖，姚子羚說：「事前知啲唔知啲啦，好姊妹唔問啦，同Philip都認識嘅。（筍盤走寶？）我唔係鍾意呢啲類型，佢喺外國返嚟，好識照顧人，我當佢哥哥咁。」

陳凱琳讚嘉穎有Guts

同場的陳凱琳表示有保安「護駕」十分安全，問到另一新劇《殭》與鄭嘉穎合作怎樣，她說：「我好欣賞佢，佢好有Guts，如果見到劇本有啲唔通順會提出意見，我仲係新人，只會喺旁邊吸收。佢都有教我做古裝講嘢要有節奏同淡定啲，有朝通頂仲請全廠人食早餐添，大家都有傾吓偈。」黃智賢就覺得劇集口碑比收視重要，觀眾喜歡劇集會令他很有滿足感，並謂打算大結局時請眾演員食飯慶祝。