個個都有拖拍！廖碧兒：我順其自然

藝人廖碧兒到九龍灣為選美活動任評判，她直言想起自己選美的日子：「我最鍾意才藝表演！當年我就自己編咗隻舞跳，今晚佳麗如果表演跳舞，可能我畀分會嚴啲，因為我識嘛！」

談到她釀酒的興趣，她興奮說：「之前去法國波爾多，有隻我哋調嘅酒可以入樽。（有冇艷遇？）嗰啲合作開嘅partners都識咗七、八年啦！（胡杏兒有新戀情？）我有睇到呀，戥佢開心，都有message恭喜佢，佢話佢有啲朋友可以介紹我。（會考慮？）哎呀，我啱啱法國返咋，未有時間見。（同期女藝人戀情都有着落？）我順其自然，當識多啲朋友。」

同場尚有梁榮忠及丁羽等，惟一直留在VIP休息室，及至開騷才進會場，連在backdrop前給記者拍照的機會也沒有。