泰國自駕遊　衛詩雅單拖換車軚

去旅行，有咩事係最唔想發生嘅呢？衛詩雅就遇上超級掃興嘅事嘞！詩雅喺泰國自駕遊，點知架車就爆咗軚，搞到佢要女仔人家自己喺街頭換車軚，難以想像弱質纖纖嘅佢用盡全身嘅力扭螺絲個樣。事後佢喺社交網站上載一張攬住架車嘅相，留言話：「在泰國街頭換車胎，這經歷應該不會有第二次了吧？」睇佢笑得開心，明顯換軚成功，相信今次嘅旅行一定好難忘喇！