蕭正楠深情表白　黃翠如感動爆喊！

藝人蕭正楠（Edwin）同女友黃翠如拍拖以來一直都好Sweet，早前二人宣傳佢哋主演嘅無綫劇《師奶Madam》時仲公然晒幸福，真係羨煞旁人！而尋晚套劇大結局，二人喺劇中亦有情人終成眷屬有個Happy ending，劇中Edwin仲向面部中槍傷嘅翠如BB情深款款咁表白，令翠如BB感動爆喊！唔少觀眾睇完個結局都覺得嗰幕最冧，仲Cap晒圖畀人重溫呢段動人情節。

凌晨時分，翠如BB就喺微博講番Edwin句對白：「蘋果的外表不重要……」，三分鐘之後Edwin就用番劇中對方對白嚟回應：「最重要嘅係……你嘅（係）蘋果。」二人於三更半夜喺度放閃，唔少網民應該畀佢哋「殘」到瞓唔着啦！