莊思敏自嘲素顏識人所以冇着落！

莊思敏出席活動時，被提到早前她上載素顏照到網上，卻被網民批評她樣子嚇人。對此，她笑言：「咁我下次咪化妝出街囉。（你覺唔覺？）唔覺，我每朝都見到。（有冇試過嚇親隔離嗰個？）冇，大家都話我唔化妝靚啲，所以話朋友都唔講真話。（隔離係邊個？）依家冇，以前一齊得嘅梗係讚，彈我會好唔開心，希望快啲搵到個人喺我床邊，等佢可以話我知我素顏個樣嚇人。（下次素顏識人？）我平時都素顏識人，可能因為咁，所以識唔到人。」

未遇到啱嘅另一半

莊思敏坦言情人節沒有約會，自己亦不會主動約人，續說：「依家冇target。我朋友有問我有冇筍盤介紹，我自己都搵緊，我有啲唔啱嘅要唔要呀？（點解唔啱？）有啲識咗好耐，做朋友好啲，有啲做朋友傾得埋，做男友未必相處到，所以我依家都介紹緊畀我啲朋友。（害你啲朋友？）唔係，佢哋係好男仔，佢哋要搵啲工作時間穩定嘅女仔，好啱我返朝九晚五嘅朋友。」