李嘉欣為囝囝慶祝四歲生日興奮跳起！

大美人李嘉欣（Michele）愛子Jayden今日4歲生日，做媽媽嘅Michele相當愛錫囝囝，為佢整咗個慶生布景！Michelle喺布景前興奮跳起影相，仲喺微博留言：「時間過太快了，兒子4歲啦！我有什（甚）麼感受？請留表情，哈哈！」囝囝大得快，做父母嘅高興之餘亦難免會有不捨之情！而好友李克勤亦都轉發Michele微博，並留言：「祝Jayden生日快樂！身體健康！快高長大！一家人開心幸福！」為Jayden送上真摯嘅生日祝福。