帶咩去翠如屋企拜年？蕭正楠：花生糖！

藝人蕭正楠於尖沙咀為無綫新劇《倩女喜相逢》出席宣傳活動，提到汪峰向章子怡浪漫求婚，他表示idea不錯，不過若自己求婚則會諗新意。被問到女友黃翠如是否喜歡驚喜？他說：「佢好簡單架，咩都得」又謂將來求婚會考慮到外地。他指二人有工作在身，短期內不會去旅行，不過他謂翠如想帶他去韓國，因當地有朋友可以做導遊。

身為手信餅店代言人的蕭正楠，被問到打算準備什麼賀禮到翠如家中拜年時，笑言：「花生糖囉！老闆話過我行入去拎就得架啦！（邊個鍾意食?）auntie囉！」，又謂目前正傾談代言人續約問題，更表示《巨輪》可能開拍續集。

密密出席活動的他，被問是否與翠如拍拖後更旺，他說：「佢帶好多開心畀我就真嘅。（運氣？）佢真係好旺！」又謂要密密工作儲老婆本。