瘋狂錄音20日！薛凱琪搞到同事冇假放？

歌手薛凱琪（Fiona）出席活動時，與可愛的「忌廉哥」互動，提到友人梁祖堯於她六年前患情緒病時，送了一隻貓給她，她說：「佢真係好好人，佢好錫貓，想送貓畀我（治療我），但係佢話我連自己都照顧唔到自己，又點照顧到貓。不過當我見到小生命，發現自己做咗媽媽，就要好好照顧佢。呢隻貓係我嘅治療師。」她又透露曾在街上執過兩隻貓回家，但有一隻不幸死於急性心臟病，故如今家中養着兩貓，她表示將來再養動物的話，會選擇領養。

農曆新年將至，Fiona透露自己本來打算連續錄歌20天，卻被公司同事指她瘋狂，她說：「我本來私下排咗錄20日歌，當公司知道後，都叫我唔好咁瘋狂，話我唔放假，啲同事、助手都會想放假拜年，所以依家決定放初一至初四。」

想同祖名講情人節快樂

另外，提到其緋聞男友房祖名將於本月出獄，問會否相約對方？她坦言：「唔知，未溝通過，佢好似14號，星期六放，我嗰日要錄音。（打電話畀佢？）我會試吓，都會祝佢情人節快樂。依家立咗春，係新一年、新開始。嗰日出嚟好，可以同父母過情人節，因為最大嘅情人都係父母，同佢哋講情人節快樂已經好開心。（嗰日會唔會想見佢？）我邊個都見唔到，我錄音就會成日喺studio食飯盒。不過因為我係工作狂，令到其他工作人員都要陪我食飯盒。（有冇男仔約？）冇，只係同『咪』（錄音咪）約會，好老土，不過嗰日會錄情歌。」